मेक्सिकोलाई हराउँदै अर्जेन्टिना क्वार्टरफाइनलमा

अर्जेन्टिनाले दोश्रो चरणको खेलमा आइतबार राति मेक्सिकोलाई हराउँदै क्वार्टरफाइनलको यात्रा तय गरेको छ । दक्षिण अफ्रिकाको जोहानेसबर्गस्थित सकरसिटी रंगशालामा स्टार खेलाडीले भरिएको अर्जेन्टिनाले पहिलो हाफअघि नै लगातार दुई गोल गरी मेक्सिकोलाई दबाबमा राख्यो । अर्जेन्टिनाको जीतमा कार्लोस् टेभेजले दुई गोल गरे । मेसीको पासलाई सदुपयोग गर्दै टेभेजले खेलको २५ औं मिनेटमा गोलको खाता खोलेका थिए भने पहिलो हाफपछिको ५२ औं मिनेटमा अर्को गोल थपे । अर्जेन्टिनाले खाता खोलेको सातौं मिनेटमा गोन्जालो हिगुइनले पुनः दोश्रो गोल थपेका थिए । पहिलो हाफअघि शुन्यको स्थितिमा रहेको मेक्सिकोले हाफपछि सान्त्वना एक गोल गर्न भ्यायो । मेक्सिकोका जवियर हेरान्देजले पहिलो हाफपछिको ७१ औं मिनेटमा गोल गरे । दोश्रो चरणको विजयसँगै क्वार्टरफाइनलमा अर्जेन्टिनाको भेट जर्मनीसँग हुने छ । आइतबार राति भएको पहिलो खेलमा इंग्ल्याण्डलाई ४-१ ले हराउँदै जर्मनी अन्तिम आठमा प्रवेश गरेको थियो ।

 

काभ्रेका अनुप बने विश्व बिजेता

काभ्रे, अषाढ ७ – अमेरिकी सरकारले आयोजना गरेको विश्वव्यापी डेमोक्रेसी भिडियो च्यालेन्ज प्रतियोगितामा नेपालका एक युवा विजेता बनेका छन् ।

काभ्रेको महादेवस्थान गाविसका २० वर्षिय अनुप पौडेल बिजेता बनेका हुन् । उनले ‘डेमोक्रेसी इज ब्ल्याक’ नामक वृत्तचित्र बनाएर प्रतियोगितामा प्रस्तुत गरेका थिए । प्रतियोगितामा विश्वका ८९ देशका २ हजार २ सय प्रतिस्पर्धीको  सहभागीता रहेको थियो । भिडियो मार्फत डेमोक्रेसीको परिभाषा उल्लेख गर्नुपर्ने उक्त प्रतियोगीतामा उनले १ मिनेट ३० सेकेन्डको भिडियो क्लिप तयार पारेका थिए ।

उनले चारवटा फरकफरक रङ्गहरुको मिश्रण गरी डेमोक्रेसीलाई परिभाषित गरेका थिए । डेमोक्रेसी भनेको एकता, स्वतन्त्रता, शान्ति र मायालाई उनले परिभाषित गरेका थिए । मैले बनाएको भिडियो उत्कृष्ट भएकोमा साह्रै खुशी लागेको छ’ उनले भने ‘यो मेरो मात्र बिजय नभई नेपालको समेत बिजय हो ।’

उनले उक्त प्रतियोगितामा बिजय भई नेपाली पनि कुनै कुरामा कमजोर हुँदैनन् भन्ने कुरा देखाउन सके । बिजेता बनेपछि उनी अफ आफ्नो भिडियो देखाउनका लागि अमेरिकाको न्यूवर्क लगायतका क्षेत्रमा जाने अवसर पाउनेछन् । उनको उक्त भिडियो त्यहाँका चलचित्र भवनहरुमा समेत देखाइने उनले बताए ।

ओस्कार कलेज अप फिल्म स्टडिजमा स्नातक तहमा अध्ययन गदै गरेका पौडेल एसियन डेभलपमेन्ट बैंकले फिलिपिन्समा आयोजना गरेको जलवायु परिर्वतन सम्बन्धी भिडियो प्रतियोगितामा प्रथम भएका थिए ।

विश्व विजेता बन्न पौडेल सफल भएपछि उनको गाउँ महादेवस्थानमा खुशीयाली छाएको छ । कुन बेला अनुप गाउँमा आउँलान र पुष्पहार सहित अविरले रङ्गाउन पाईने हो भन्ने आशामा स्थानीय बासी रहेका छन ।  ‘अनुप विश्व विजेता बनेपछि हामी धेरै खुशी भएका छौ’ स्थानीय राजन पौडेलले भने ‘यो हाम्रो गाउँ, जिल्ला र देशकै लागि गौरवको कुरा हो ।’

हुत्तराजको विदाई

 

७ असार/नेचा, सोलुखुम्बु
हिमाल दर्शन उच्च माध्यमिक विद्यालयका प्रधानाध्यापक हुतराज बस्नेतले गोर्खा दक्षिण बाहुको पुरस्कार भन्दा, विद्यालयका परिवार, अभिभावक, विद्यार्थीहरुले दिएका शव्द, आसु र फुलका गुच्छा करौडौको पुरस्कार भएको बताउनुभएको छ । विद्यालयको तर्फबाट सोमबार आयोजित विदाई कार्यक्रममा बोल्नुहुदै बहाले यस्तो बताउनुभयो ।
उमेरको हदका कारण सेवा निबृत हुनुभएका बस्नेतले जिल्लाको शिक्षाको विकासको लागी अझ धेरै काम गर्न बाकी रहेको बताउनुभयो । शिक्षा क्षेत्र नै सवैभन्दा ठुलो सेवा भएकाले सवैलाई यो

पानी नपरे पछि कृषक चिन्तित

सोलुखुम्बु, मुक्ली जेठ २६ – समयमा पानी नपरेपछि सोलुखुम्बुका मुक्लीबासीहरुमा खेती गर्ने जागर हराउन थालेको छ । 

खडेरीले उम्रेको मकै सुक्न थालेपछि उनीहरुमा अर्काे बर्षके खाएर बाच्ने भन्ने कुराले सताउन थालेको उनीहरुको भनाई छ । 

यति मात्र नभई फागुनमा छरेको मकै भर्खर उम्रदै छ भने कोदोको विउ समेत समयमा उम्रन नसकेपछि किसानहरुमा काम गर्ने जागर हराउन थालेको हो । अन्य ठाउँमा पानी परेपनि यो क्षेत्रमा समयमा पानी नपरेकोले यो अवस्था भोग्नु परेको स्थानियबासीहरु बताउछन् । 

सधैं आकाश हर्ेर्दै खेती गरिरहेका कृषकहरु कतैवाट सिंचाईको लागि सहयोग पाइन्छकी भन्ने आशामा समेत रहेकाछन् । 

योङ स्टारले सहयोग गर्ने

सोलुखुम्बु, सल्लेरी । जेठ २४ – योङ्ग स्टार क्लवका अध्यक्ष बुद्धिनारायण श्रेष्ठले व्यसायीक रुपमा बायो-ब्रिकेट उत्पादन गर्नेहरुलाई क्लवको तर्फाट सहयोग गर्ने बताउनु भएको छ ।

जिल्ला विकास समिति र जिल्ला उर्जा तथा वातावरण शाखा सोलुखुम्बुको आयोजनामा भएको ब्रिकेट उत्पादन सम्बन्धी तालिमको समापन कार्यक्रममा बोल्नुहुँदै वहाँले यस्तो बताउनु भएको हो । वहाँले व्यवसायीक उत्पादन गर्न चाहनेहरुलाई आर्थीक सहयोगको साथमा बजारको लागी प्रयास समेत गर्ने बताउनु भयो ।

४ दिन अघिदेखी योङ्ग स्टार क्लवमा सञ्चालन भएको सो तालिममा जिल्लाका वाकु, वास, मुक्ली, टाक्सीन्दु लगाएतका गाविसका गरी १४ जनाको सहभागीता रहेकेा थियो । तालिममा बायोब्रिगेटको महत्व, निर्माण बिधि लगाएतको बारेमा छलफल भएको प्रशिक्षक जसकुमार र्राईले जानकारी दिनुभयो ।

कृषी तथा बनजंगलबाट प्राप्त हुने बिभिन्न जैविक बस्तुको प्रयोगबाट निर्माण हुने बायोब्रिकेटको प्रयोगबाट वातावारणमा सकरात्मक सहयोग पुग्ने जिल्ला उर्जा तथा वातावारण शाखा सोलुखुम्बुका प्रमुख गणेस न्यौपानेले जानकारी दिनुभयो ।

जुभिङका विद्यार्थी बिरामी

सोलुखुम्बु, जुभिङ । जेठ २४

दुधकोसी निमाबी जुभिङ्ग ३ सोलुुखम्बुमा झाडापखालाका कारण ६५ जना बालबालीका बिरामी भएका छन् ।

सोमबार बिद्यालयमा आएका ६५ जना बालबालिकालाई झाडापखाला भएपछि जुभिङ्ग उपस्वास्थ्य चौकीका मासिका अमृता कुमारी मगर सहितको स्वास्थ्यकर्मीको टोली बिद्यालयमा पुगी बिरामीको उपचार गरेकेा छ ।

स्वास्थ्य कर्मीको टोलीले बिद्यालयमा बिरामी भएका बिद्यार्थीलाई औशधी बितरण गनुृको साथै अभिभावकहरुलाई झाडापखालाबाट बच्ने उपाएको बारेमा जानकारी गराएको खरिखोला उच्च माबीका शिक्षक तिलक राणामगरले जानकारी दिनुभयो ।

१ घर १ चर्पी

 सोलुखुम्बु, तामाखानी । जेठ २४ – १ घर १ चर्पी निर्माणको लागी सोमबार सोलुखुम्बुको तामाखानीमा सचेतनामुलक र्‍याली निकालिएको छ । गाविस भित्रका सबै बिद्यालयका बिद्यार्थी, शिक्षक, व्यवस्थापन समितीका पदाधिकारी लगाएत सबै वडाका बासिन्दाहरुको सहभागीतामा र्‍याली सहित गाउँ परिक्रमा गरिएको हो । वहाँका अनुसार ७०/७० जनाको ३ वटा समुह बनाएर हरेक घरमा पुगी चर्पी निर्माण तथा सरसफाई सम्बन्धि जानकारीहरु बाँढिएको थियो । गाउँलाई खुल्ला दिसामुक्त क्षेत्र घोषणा गर्ने तयारी स्वरुप आज र्‍याली निकालिएको जनाएको छ ।

बजेट अधिवेशन अन्योलमा

काठमाडौं, जेष्ठ २५ – राजनीतिक सहमति नबन्दा संसदको बजेट अधिवेशन अन्योलमा परेको छ । सरकारले मंलबार सुरु गर्ने तयारीसहित गत साता हिउँदे अधिवेशन अन्त्य गरेको थियो । तर सोमबारसम्म अधिवेशन आह्वान हुन सकेको छैन ।

 प्रमुख विपक्षी दल माओवादीको असन्तुष्टी र नयाँ सरकार गठन या पुरानै रहने भन्ने अन्योलले बजेट अधिवेशन आह्वानमा समस्या परेको हो । आइतबार सभामुख सुबास नेम्बाङ र प्रधानमन्त्रीबीच पनि मंगलबारबाटै अधिवेशन शुरु गर्ने विषयमा छलफल भएको थियो । छलफलमा प्रधानमन्त्रीले राष्ट्रपतिसंँग परामर्श गरी आह्वान गर्ने बताएका थिए ।

‘डा. भक्तमानको अपहरण इसाइ मिसनको सहयोगमा माओवादीद्वारा’

काठमाडौं, जेठ २४ – हिन्दू प्रजातान्त्रिक पार्टीले डा. भक्तमान श्रेष्ठको अपहरण इसाइको निर्देशनमा माओवादीले गरेको आरोप लगाएको छ। पार्टीले हिन्दू समुदायलाई बदनाम गराउन इसाइ मिसनहरुको निर्देशनमा युरोपियन युनियनसमेतको संलग्नतामा यो घटना गराइएको दाबी गरेको छ। पार्टीका अध्यक्ष विष्णुकुमार प्रसाई‌द्वारा जारी विज्ञप्तिमा इसाइ मिसनअनुसार माओवादीले हिन्दूहरुलाई बदनाम गराइरहेको आरोप पनि लगाइएको छ।

‘उनलाई यसो नगरे ज्यान मार्ने धम्की दिएको हुन सक्छ’, विज्ञप्तिमा भनिएको छ- ‘४-५ हजार सेना अपहरित स्थानमा थिए भन्ने भनाइ भ्रामक र नियोजित हो। यदि त्यस्तो हो भने डाक्टर श्रेष्ठ माओवादी लडाकु शिविरमा थिए।’

डा. श्रेष्ठ माओवादी निकटस्थ व्यक्ति भएको भन्दै उक्त पार्टीले हिन्दू पार्टीको नाम दिइ अपहरणको आरोप लगाउने माओवादीप्रति भर्त्सना पनि गरेको छ। source : nagarik

डाक्टर भक्तमान सकुशल मुक्त

काठमाडौं, जेष्ठ २२ – तीन साता अघि अपहरित चितवनका डाक्टर भक्तमान श्रेष्ठलाई प्रहरीले शनिबार बिहान धादिङबाट उद्धार गरेको छ ।  धादिङको मजिमटारमा रहेका डा. श्रेष्ठले आफ्ना भाइ प्रहरी नायव उपरीक्षक जगतमान श्रेष्ठलाई बिहान सवा ३ बजे फोन गरी ‘तुरुन्त लिन आउनू’ भनी खवर गरेपछि प्रहरी टोली उद्धारका लागि पुगेको थियो ।प्रहरी प्रधान कार्यालय काठमाडौंमा कार्यरत प्रहरी नायव उपरीक्षक श्रेष्ठ दाजुको अपहणपछछि खोजीका लागि परिवारसँगै चितवनमा थिए ।खवर गरेलगत्तै नायव उरिक्षक श्रेष्ठसहितको टोली घट्नास्थलतिर लागेका थिए । प्रहरी टोलीले डा. श्रेष्ठलाई सकुशल उद्धार गरेको थियो । उद्धारपछि उनलाई बिहान ७ बजे धादिङबाट आफ्नै निवास चितवन लगिएको हो । अहिले उनी परिवारस‍‌गै छन् ।

भरतपुरस्थित वीपी कोइराला स्वास्थ्य विज्ञान प्रतिष्ठानका कार्यकारी निर्देशक डा. श्रेष्ठ गत जेठ ४ गते अपहरणमा परेका थिए । अपहरणपछि उनको सवारी पोखरामा भेटिएको थियो भने ब्रिफकेस अपहरणको पाँच दिनपछि चितवनको घोप्टेभिरमा फेला परेको थियो ।अपहरणमा माओवादी संलग्नताको आरोप लगाइएपछि यसबारे खुलेको छैन । माओवादीले शुक्रबारमात्र पत्रकार सम्मेलन गरेर उनी बेपत्ता नभइ अपहरणमा परेको दाबी गरेको थियो । डा. श्रेष्ठलाई छुटाउन सरकार, नागरिक समाज, माओवादी तथा युवा संगठनहरुले छुट्टाछुट्टै आयोग बनाएका थिए ।